Ius Cogens

„Вистината не чини толку добрина на свеотв колку што изигрувањето на вистината предизвикува зла(Франсоа Ларошфуко, „Максими“, Мисла, Скопје, 2001(.“

 

Изминаа повеќе од две години откако во средствата за јавно информирање изјавив дека Врмената согласност е меѓународен договор во спротивност со ius cogens.

За да се соопшти ова вистина, потребна беше и доблеста храброст, зашто досега пред Меѓународниот суд на правдата не дошол предмет со тврдење дека некој договор е  во спротивност со ius cogens(Antonio Cassese, “Self-Determination of Peoples”, Cambridge University Press, 1995, српски превод, страница 156).

Read More

Право на самоопределување

„Оружјето со кое што се браниш не давај му го в рака на непријателот(португалска поговорка).“

Оружјето со кое што ја бранам Македонија е правото на самоопредлување, како норма ius cogens.

Тие што го гледаа интервјуто, видоа дека јас не го дадов правото на самоопределување, кога новинарот(како адвокат на ѓаволот) ми рече дека и Грците се самоопределуваат како Македонци.

Новинарот сакаше да ми го земе оружјето и да им го даде на Грците, како што впрочем се изучени од Грците многу Македонци. Затоа, не дозволувајте да ве изучуваат денешниве Грци. Ќе ви го земат оружјето со кое што се браните: правото на самоопределување.

Read More

Интервју

Во колумната „Дали ќе се раздени“ најавив колумна во која што ќе докажам дека Грција не ќе може да ја реализира својата закана за раскинување на „Привремената согласност“. Ова закана е многу сериозна, бидејќи е порака дека тужбата на д-р Декскоски(консеквентно на тоа и пресудата) не и може ништо на ова сериозна закана, бидејќи нема да постои правно дело кое што би го санкционирало блокирањето за НАТО и ЕУ.

Впрочем, тие што ме читаат знаат дека ова го најавив лани и уште тогаш кажав дека со „мојот“ ius cogens, Грција нема да може да ја раскине Привремената согласност.

Меѓутоа, во меѓувреме добив понуда од „Телевизија сонце“ за интервју, кој што го прифатив. Бидејќи во интервјуто е објаснето како Грција ќе биде оневозможена да ја раскине Привремената согласност,  сметав дека нема потреба од посебна колумна.

Ви го препорачувам интервјуто. Тие што ме читале ќе споредат и ќе донесат заклучок дали сум поуверлив во пишуваниот, или во усниот говор(Кант во „Критика на моќта на судењето“ вели дека човек само во усниот говор, со помош на артикулацијата, гестикулацијата и модулацијата, може целосно да се изрази).

Тие што воопшто не ме читале, ќе бидат пријатно изненадени кога аргументирано ќе сознаат дека Македонија има можност да примени решение што ги исправува неправдите од минатото, ја контролира сегашноста и ја одстранува неизвесноста од иднината во спорот со Грција.

Има доста работи што се првпат кажани. На пример;споредба помеѓу моето и решението на д-р Јанев.

Read More

Вистина

„Вистината не е курва, која што им се беси околу вратот и на оние што воопшто не ја сакаат, туку таа е  горда убавица чија што наклонетост не знаеме дали ќе ја стекнеме и доколку и посветиме се што можеме(Schopenhauer, »SVET KOT VOLJA IN PREDSTAVA«, Društvo slovenska matica, Ljubljana, 2008, stran 16. Превел М.П.)“

По последната моја колумна, м-р Милошоски истрча во еден медиум близок до власта и продолжи во ист стил со пресудата. Медиумот го промовира во доктор, а на сајтот на парламентот ја нема таа промена. М-р Милошоски, како причина да не биде министер за надворешни работи, наведе дека немал време за семсјството. За да се докторира потребни се 180 ЕКТС, или 3.600 часа оптоварување со учење.

М-р Милошоски и нему наклонетите, досега не го побија мојот полисилогизам, а пофално е за него што не се служеше со еристика, за да ме побие.

Сега воведоа реторика, што е дозволено. По пресудата, нему наклонетите исфрлија еден скриен petitio principi во форма на ентимем(реторички силогизам).

Тие тврдат;Македонија ја склучила Привремената согласност, а договорите мора да се почитуваат.

Скриената премиса(она што не се изговара), а ми се припишува мене, гласи;тој што бара невалидност(ништавност) на договор, не почитува договор.

Заклучок:Попески не почитува договор.

Пред да  се одбранам од ентимемот што ме напаѓа, добро е моите читатели да знаат, во какви услови мислиме за најважното прашање јас и моите читатели на сајтов, а во какви услови мисли м-р Милошоски и неговите.

Ние сме како оние филозофи на Платон(»Teetet«, Plato, Beograd, 2000, stranica 138-139.), кои што секогаш имамaат време и своите расправи ги водиме удобно и во мир. Кога сакаме го напуштаме предметот на расправа и се бавиме со друг предмет на расправа. Така се случува и само еднаш месечно да расправаме. Но, кога ќе најдеме нов  доказ и тој повеќе ни се допадне од оној што ни е при рака;интензивно расправаме. Така, на почетокот беше „Стратегијата“ и ништавноста. Потоа преминавме на прејудициелна деклараторна тужба, за на крај да дојдеме до изјава за ништавност и жалба до Меѓународниот суд на правдата. Нам, не ни беше важно дали кратко, или долго расправаме, туку ни беше важно да ја достигнеме вистината.

М-р Милошоски и неговите пак, секогаш брзаат, како да ги дави вода во грло и не им дозволува да расправаат за тоа што сакаат, туку противниците(Грците, соросоидите и Црвенкоски) им стојат над глава и им кажуваат што смеат да говорат, а што не смеат, постојано мавтајќи им со Привремената и резолуциите. Така, м-р Милошоски и неговите не расправаат, туку водат борба за живот.

Значи, за разлика од м-р Милошоски и неговите, ние не сме слуги на расправата, туку секоја поединечна расправа е наш роб и чека да биде завршена, кога нам тоа ќе ни се свиди. Освен тоа, кај нас нема шефови, ниту пак ни е грижа за партиското членство, што постојано им приговара и наредува на м-р Милошоски и неговите.

Платон во „Државник“ не советува прво да ги одвоиме најголемите шарлатани меѓу софистите, од вистинските државници. На ова место мораме да застанеме и чесно да признаеме дека партијата на м-р Милошоски тоа го направи со комунистите(нецелосно) и соросоидите(Platon, »Državnik«:»-Најголемите шарлатани од сите софисти и најискусните во таа умешност. Иако е тоа многу тешко, мораме прво нив да ги одвоиме од вистинските државници и кралеви, доколку сакаме јасно да го запознаеме она што го бараме.“ Превел М.П.).

А еве уште една причина на Платон(„Држава„, седма книга), зошто м-р Милошоски може да произведе само софизам. Според Платон, човек треба да живее во склад со разумот и етиката, а особено многу да учи од животот. Доколку преживее на тој начин, на педесет години треба да се спушти во Платоновата пештера(нашиот комунизам) и да ги вади заробениците(Македонците од комунизмот).

Дали ова може да го прави м-р Милошоски со 33 години(со политика се бави од 1998, а можеби и порано)?

„-Оние пак, кои што се тркалаат во црното незнаење и малодушност ги понижува со распределување во робови(Platon, Državnik«, stranica 366).«

Токму вака не третираа комунистите нас Македонците, а сега УДБОМАФИЈАТА. Како робови. А тоа го постигнуваа со држење во незнаење.

И сега, не го прави ли тоа истото м-р Милошоски? Не не држи ли во незнаење со претставувањето на пресудата како добро?

Read More

Дали ќе се раздени

„Јас своето ќе го откукурикам, а дали ќе се раздени не е моја работа(Осетска поговорка)“

Според авторот на тужбата д-р Дескоски и поранешниот  министер за надворешни работи м-р Милошоски, пресудата од Хаг била голема победа против Грција на патот кон ЕУ.

Меѓутоа, Македонците не мислат така, според „Нова Македонија“ од 24.12.2011. година. Околу 50% не мислат така, а 13% од нив сметаат дури дека сме и подалеку. Околу 39% сметаат дека сме поблиску, а околу 11% не знаат.

Read More

Паника

Не чекав долго за да се потврдат наводите на мојата последна колумна.

Еден дневен весник близок до власта денес панично(така ја свќаме чуденката на крајот од насловот) објавува дека грчкиот адвокат Фотис Канелопулос изјавил за грчките медиуми дека привремената согласност е невалидна, затоа што грчкиот парламент не ја ратификувал и не била објавена во службен весник. Според грчкиот адвокат; привремената согласност била невалидна, не се применувала и Грција можела во секое време да се повика на своето право на вето против Македонија, без за тоа да сноси одговорност.

Основно правило во медицината е; не наштетувај.

Истото важи и во правото. На оној што бара правда немој да му наштетуваш. А дали тужбата на д-р Тони Дескоски не и наштети на Македонија. Каква е таа победа доколку грчкиот адвокат има право?

Дали јас со моите решенија врз основа на ius cogens и наштетив, или може да и наштетам на Македонија?

За да си одговорите на овие прашања, ви го нудам интервјуто што уредникот Зоран Трајчески го направи со мене непосредно пред пресудата, на емисијата “Радио спектар” за Македонското радио.

Read More

Што по пресудата

„Дај му на будалата доволно јаже, па самиот ќе се обеси(англиска поговорка)“-, вака ја завршив една колумна во „Нова Македонија“ на 05.01.2011.година, сакајќи да предупредам  дека со тужбата во Хаг работиме против себе.

„Доколку Владата успее со тужбата, тогаш сами сме си го ставиле јажето и ќе мора да правиме компромис“, сум запишал во истата колумна, скоро пред една година.

Вчера(27.11.2011.година) ја добиме веста од грчкиот весник „Катимерини“ дека сме успеале со тужбата.

Намерно не велам;нашите медиуми, бидејќи на 24.01.2011.година сум напишал колумна „Грчка лажга“, објаснувајќи дека кршењето на Привремената спогодба е грчка лажга на која сме се фатиле, со голема помош на УДБОМАФИЈАТА.

Ни притисокот на сегашноста, односно „добрата вест“ за пресудата не ми го помати памеот, за да изменам нешто од својата колумна.

Значи, да го повторам заклучокот од моите колумни напишани пред една година;сега ќе мора да направиме компромис за името, во спротивно Грција ќе не тужи за неисполнување на Привемената согласност.

За време на траењето на спорот, благовремено предложив прејудициелна тужба за ништавност на Привремената согласност.

Бидејќи Владата не ме послуша, по завршувањето на парницата предложив Владата да вложи до Грција ијава за ништавност, а доколку Грција во рок од 12 месеци не одговори на изјавата, Македонија да вложи жалба пред меѓународниот суд на правдата.

Владата ни тоа не го направи и сега сме тука, каде што сме.

Дали победивме, или загубивме, како што тврдев и тврдам јас?

Мојот одговор го знаете, тој е содржан и во мојата „Стратегија“, а вие сами одговорете си на ова прашање.

Во ова Колумна ќе воведам сосема ново тврдење. Тврдење дека со Привремената согласност ни се прекршува човековото право на суд, бидејќи на договорните страни не им се дозволува суд за името.

Според член 21, став 2 од Привремената согласност:

„2. Сите разлики или спорови што ќе се јават меѓу страните во врска со толкувањето или спроведувањето на ова Привремена согласност можат да се поднесат од која и да е страна до Меѓународниот суд на правдата, со исклучок на разликата наведена во член 5, став 1.“

А членот 5, во спротивност со правото на самоопределување(член 1, став 2 и член 55 од Повелбата) одредува преговори за правото на самоопределување, колку и да се крие зад резолуциите, односно за името Македонија и гласи:

„Страните се согласни да ги продолжат преговорите под покровителство на Генералниот секретар на Обединетите нации, според Резолуцијата 845(1993) на Советот за безбедност, со намера да се постигне договор за разликите наведени во таа Резолуција и во Резолуцијата 817(1993) на Советот за безбедност.“

Меѓутоа, заради УДБОМАФИЈАТА која што владее со Македонија, ние не знаеме кој сакал ваква одредба:Македонија, Грција, или Меѓународната заедница.

Во моментов немам доволно материјал за правен силогизам, но важноста на темата ме тера да соопштам тоа што го знам, а некои од моите читатели можеби ќе ја продолжат мојата работа.Зашто, како што вели Аристотел, добриот почеток е повеќе од половина.

Голема премиса за моево тврдење, сосема сигурно е член 6(1) од ЕКЧП, но потребно е да се најде правото на суд и во Повелбата.

Реторички знак за моево тврдење е и Библијата. Кога Мојсие слегол со законите што му ги дал Бог од Синај, тој првото нешто што го направил било тоа што поставил судии, односно на Евреите им го овозможил правото на суд.

За да откриеме кој им го укинал човековото право на суд на Македонците за името Македонија,  мора да постапиме како големиот Цицерон и да се запрашаме:cui bono(кој има интерес)?

Всушност, така постапува и проф. д-р Боштјан Зупанчич(сега претседател на Третата секција на Европскиот суд за човекови права), напаѓајќи ја во издвоено мислење одлуката на Уставниот суд на Словенија, чиј што судија е и тој(1998 година):„Не се колебам да запишам, дека за Словенечкиот народ би било уште покатастрофално, доколку преку сегашната пререгулација, некоја друга политичка опција си обезбеди доминација над не-автономниот универзитет, која што над автономниот универзитет не би ја имала.Треба да се запрашаме Cui bono?-, кому значи му користи неавтономниот универзитет?

Се чини, дека на тие медиокритети, кои што во авторитарната пре-регулација, наоѓаат можност за авторитарно владеење со универзитетот.На комунистичкиот патернализам му беа потребни многу десетлетија, за да го клекне универзитетот на колена, а тоа е, во многу работи да и ги одземе мерилата за одличност, која што на секој универзитет мора да биде одлучувачка(Одлука на Уставниот суд на Република Словенија U-I-34/94 22.01.1998.).“

Она што се медиокритетите за проф. Зупанчич, тоа за Равникар(„УДБОМАФИЈА“) се козите што ја чуваат градината.

Значи, УДБОМАФИЈАТА во Македонија има интерес да и помогне на Грција, бидејќи Грција ќе ја остави да владее и по влегувањето на Македонија во ЕУ.

Дека Грција има корист на Македонија да и се одземе правото на суд за нејзиното име, не треба да се биде особено бистар.

Но, и ЕУ може да влезе во тие што би имале интерес.

Според учебникот од Кембриџ што ни го преведе Груески:

„Секако, многу од најсериозните меѓународни конфликти можат и никогаш да не се појават пред Суд, поради желбата од државите да не ги ставаат клучните интереси во рацете на задолжителна одлука од трета странка, додека порастот на други средства на регионални и глобални решенија за спорови не може да биде занемарено( M. N. Shaw, “International Law”, Cambridge University Press, 2008, македонски превод од 2009, страница 939).“

Read More