Идоли

Од Америка, по изборот на нов претседател, слушнавме дека Америка ја започнала војната во Украина и дека Америка ја загубила војната во Украина. Ова го изјавија лица, кои што согласно член 7, став 2 на Виенската конвенција за договорно право, ја застапуваат државата без полномошно.

Постојат четири идоли (предрасуди) кои што му пречат на човекот да дојде до вистината. Третиот идол е idola Fori, или идоли на пазарот. Тие произлегуваат од фактот што луѓето живеат во заедница и заради разбирање при комуницирањето мораат да се служат со зборови, кои што настануваат стихиски во текот на вековите, па затоа се извор на многу збрки и заблуди. Понекогаш тие зборови се називи за непостоечки ствари, а понекогаш тие зборови се нејасни и неприкладни зборови за постоечки ствари.1

„Полесно е да се изречат илјадници заблуди, отколку една вистина (Германска).“2

Третиот идол на Американците го опишува еден индијанец: „Духот кој што ги створи луѓето, ги обои со различити бои-почна итриот Магва.-Некои се потемни и од црната мечка. Ним им одреди да бидат слуги и робови и им нареди да работаат доживотно како дабарите. Можете да ги чуете како јачат кога дуваат дивите ветрови, како јачат и кукаат погласно од бизонот долж брегот на големото солено езеро, каде што се движат големи чамци полни со нивни стада.

Некои пак, ги створи и им даде побледо лице отколку што е бојата на хермелинот во нашите шуми. Ним им одреди да бидат трговци, им одреди да бидат покорни пци на своите жени (потенцирал М. П.), а волци према своите робови. На овој народ му даде природа на гулаб, крилја кои што никогаш не се заморуваат; им даде да бидат млади и да ги има како што во гората има лисја, да имаат апетит па да можат и земјата би ја излапале, им даде јазик рапав да мјаукаат како диви мачки, им даде срце како на зајак (потенцирал М. П.), лукавство на свиња (ама без примеси на лисичко лукавство), им даде раце подолги од ноѕете на лосовите. Со својот јазик тие ги полеваат ушите на Индијанците, а срцето нивно им налага да им плаќаат на други војници да ги бијат нивните битки, нивното лукавство ги упатува како да грабнат земја од друг (потенцирал М. П.), од брегот на солената вода до островот на големото езеро; нивната лакомост е толку голема што оболуваат од неа. Духот им даде доста, ама тоа ним им е малку, тие сакаат се’! Такви се бледоликите! (потенцирал М. П.)“3 

Американците формирале дури и одреди, кои што биле платени според бројот на скалповите што ќе ги донесат од индијанските ловишта.4

За нас во Европа од исклучителна важност е и овој исказ за третиот идол на Американците: „Паметно расудуваш- Вилијеме,-одговори Мармадука.-Во Америка ќе трае жетвата се’ додека стариот свет се грчи во воени маки (потенцирал М. П).“5

Бекон вели дека првите три идоли е невозможно да се совладаат.6

Можеби вториот идол на Трамп, idola specus7, оди во прилог на она што Трамп го говори и чини. Бидејќи има и филм за него, секој може сам да ги открива „идолите на пештерата“ на Трамп.

Му оди во прилог и еден англиски роман од шеесетите.

САД и СССР склучуваат договор меѓу себе со кој што ги уредуваат и односите во светот. На сите земји им забрануваат нуклеарно оружје. Англија се буни. Соединетите европски држави ја напаѓаат Англија, која сака да остане самостојна. Соединетите европски држави ја окупираат Англија, но таа успева да се ослободи.8

Сегашните постапки на Америка и Русија, наликуваат на оние од англискиот роман.

Гете во Фауст вели дека она што од старите го наследи, сам стекни го за да се смета твое. Она што сами ќе го смислиме, го разбираме многу подлабоко, отколку она што сме го научиле. Доколку подоцна го пронајдеме кај некој претходник, тоа неочекувано станува потврда на вистината од страна на признат авторитет. На тој начин стекнуваме храброст и убедување кое сме спремни да го браниме од својот противник.9

Општите вистини кон посебните вистини се однесуваат како злато према сребро. Поради тоа во голема мера можеме да ги менуваме за посебни вистини, кои од нив произлегуваат, како што еден златник може да се промени за повеќе сребреници.10

Доколку изјавата на нашиот индијанец за Американците е посебно место, третиот идол е општа вистина. Во прилог на овој заклучок оди и фактот што и Максим Горки, го читал Фенимор Купер и имал позитивен однос кон неговото дело.

Ниче велеше дека феминизираната Европа ќе пропадне во наредните два века.

Дека вредностите на слабите се на врвот, а моќните ги преземаат само за да можат да ги водат.11 

Америка се декларираше како земја со европски вредности. Сега вели дека ќе ја освои Канада, Гренланд, Панамскиот канал, минералите на Украина.

Секоја држава тежнее да загосподари со целиот простор и да ја рашири својата моќ. Турка се’ наоколу што се спротивставува на нејзиното ширење. На тој пат таа се судира со тежнеењата на друг држави. Најпосле се здружува со тие што и се најсродни и заедно конспирира кон најголема моќ.12 

Можеби Америка по поразот од Русија во Украина заклучи дека посродна со неа е Русија за ширење на американската моќ?

Америка веќе ја употреби Европа за ширење на својата моќ. Бидејќи обидот против Русија беше неуспешен, сега во сите европски држави се обидува да постави влади со луѓе што заговараат исти систем на вредности.13

Ниче, спротивно на меѓународното право, тврди дека постои право на освојување и право на војна. Дали со трговија, со транспорт и колонизација, или со војна, сеедно, тој освојувањето го нарекува право.14

Монтескје, под одредени услови, прифаќа право на освојување. Кај него правото на освојување е последица на војната и ја следи војната, која што мора да е одбрамбена, што не значи дека доколку одредена држава се подготвува да ја уништи, таа нема право да ја нападне прва, уште пред да се вооружи и подготви.15

Луѓето, како и другите животни, имаат глас со кој што, исто како и животните, можат да означат болка и задоволство. 

Но, за разлика од другите животни, луѓето имаат и сетило за тоа: 1.што е корисно, а што штетно и 2.што е праведно, а што неправедно. Со говорот (пишан и усмен), луѓето си соопштуваат; што е корисно, а што штетно, што е праведно, а што неправедно.16

„Луѓето не забележуваат кога ќе погодиш, туку само кога ќе погрешиш (Англиска).17

—————————————-

1, Gaja Petrović vo : Francis Bacon, Novi organon, Naprijed, Zagreb, 1986, страница XVII-XVIII.

2 Превел М. П; VOX populi:zlata knjiga pregovorov vsega sveta/izbral Tomislav Radić, Ljubljana : Mladinska knjiga, 1996, stran 353.

3 Превел М. П. ; Džems Fenimor Koper, POSLEDNJI MOHIKANAC, Mlado pokolenje, Beograd, 1964, stranica 228.

4 Tomas Majn Rid, Lovci na skalpove, Mlado pokolenje, Beograd, 1966, stranica 86.

5 Džems Fenimor Koper, Pioniri, Mlado pokolenje, Beograd, 1963, stranica 187.

6 “Tražeći radikalno čišćenje ljudskog duha od idola, on istovreme o (u predgovoru “Velikoj obnovi”) priznanje da je iskorijeniti stečene idole (idola Theatri) teško, a prirođene(sve ostale) -nemoguće” (Gaja Petrovič vo : Francis Bacon, Novi organon, Naprijed, Zagreb, 1986, stranica XVII.)

7 “Druga vrsta idola su idola specus (idoli špilje), tj. zablude pojedinačnog čoveka. Svaki je čovjek ne samo čovjek uopće, član ljudsko roda, nego i konkretno ljudsko biće, koje ima svoje individualne odlike i osobine, telesne i duhovne, prirođenei stečene  (odgojem, naukom i slučajem). Jednom rječju, svatko ima svoju “posebnu spilju, koja lomi i kvari svjetlost prirode”.” (Gaja Petrovič vo : Francis Bacon, Novi organon, Naprijed, Zagreb, 1986, stranica XVII.) 

8 Агнус Вилсон, „Старци у зоолошком врту“ (српски превод).

9 Artur Šopenhauer, Parerga i paralipomena,Dereta, Beograd, 2013, stranica 17.

10 Ибидем, страница 23.

11 NIETZSCHE, Friedrich, Volja do moči : poskus prevrednotenja vseh vrednot : iz zapuščine 1884/1888-Ljubljana : Slovenska matica, 2004, stran 485.

12 Ибидем, страница 359.

13 Идеалот на Ниче бил антички човек во Европа. Пред се и над се; Александар Македонски. Македонската и грчката античка култура. 

14 Ибидем, страница 407-408.

15 Монтескје во : LUARD, Evan, Človek, država in vojna-Ljubljana : Fakulteta za družbene vede, 2001, stran 645-646.

16 ARISTOTELES, Politika, -Zagreb : Globus, 1988, stranica 5.

17 Превел М. П; VOX populi:zlata knjiga pregovorov vsega sveta/izbral Tomislav Radić, Ljubljana : Mladinska knjiga, 1996, stran 223.

  •