Книга за одбрана на Македонија
„Гледај да најдеш наклонетост кај видни луѓе. Слабичкото `да` на еден одличен човек, мора да се уважува повеќе, отколку целосното одобрување на масата. Бидејќи, од мудриот говори умереност, па поради тоа нивната пофалба ни носи неисцрпно задоволство… Платон го нарекуваше Аристотел цела своја школа(Valtazar Gracijan, “Vrelo mudrosti, ili pravila za život,Ušće, Beograd, 1997, превел М.П.).“
Моите ставови за спорот со Грција арогантно и безочно беа нападнати од повеќе професори. Нападите ги одбив, бидејќи сите беа ad hominem.
Во вистински момент ја добив наклонетоста за моите ставови на најкомпетентниот стручњак по меѓународно право во Македонија, на проф.д-р Татјана Петрушевска од УКИМ.
Ја имав и таа чест таа да биде претседател на комисијата пред која што магистрирав.Откако се разбра за нејзината наклонетост кон моите решенија за спорот со Грција, престанаа сите напади.
Очекувањата и препораките на проф.д-р Петрушевска се магистерската да ја публикувам како книга:
„Доколку утврдам дека е способен да стигне до врвот, не само што ќе го поттикнувам да се труди, туку доколку ми се чини дека е и добар човек, дури и ќе го молам(Ciceron, “O govorniku”, Družina, Ljubljana, 2002, превел, М.П.).“
Ви го соопштувам почетниот дел од одбраната на магистерската:
„Што е друго така неопходно потребно, ако не секогаш да се има в рака оружје, со кое можеш да се заштитиш себеси, да го предизвикаш бесрамникот, или нападнат да вратиш назад?
Говорот. Во него имаме најголема предност над животните. И после, кој не би сакал во говорот да се истеакнува меѓу луѓето?
Говорот, одличниот говор, е најредок меѓу луѓето. За неколку илјади години, само Демостен и Цицерон се запаметени.
Првиот, не излегувал на суд без пишуван говор.
Цицерон вели дека кој е извежбан во пишување и кога се изразува усно, говорот му личи на пишуван. Како што чамецот продолжува, иако веслачот го сопира со веслата, така и кога на местото на пиувшаниот говор ќе продолжи усно излагање, преостанатиот говор го задржува истиот ток.
Затоа, ве молам да се сетите на мојот пишуван говор, магистерскиот труд и да оцените дали овој говор го задржува истиот ток?
Да се повика на помош опасноста против опасноста, не поучува Аристотел.
Ја повикувам на помош опасноста логика, против опасноста Привремена спогодба. Зашто, како што вели божествениот Платон, доколку заради нешто друго се откажеме од логиката и логиката ќе се откаже од нас, а се што е нелогично пропаѓа.
Обрнете внимание на ова што ќе ви го кажам сега, бидејќи еднакво ве засега вас, како и мене.
Да се однесуваме како никој да не ни верува. Како оној Евреин на Ниче, кој што поради минатото на својот народ, не очекува никој да му верува. Затоа, сите еврејски научници имаат високо мислење за логиката. Евреите ги изнудуваат одобрувањата со разлози. Тие знаат дека со логиката мора да победат дури и таму, каде што кон нив постои расна и класна омраза. Ништо не е подемократско од логиката, вели Ниче. Таа не познава никаков личен углед.
Треба да му веруваме на Ниче за важноста на логиката. Човек скаран со логиката, како што самиот вели за себе. Повеќе поет и писател отколку филозоф. Треба да му веруваме зашто; „Лесно е да се фалат Атињаните пред Атињаните, но тешко е пред Лакедемонците“-вели Аристотел. Затоа не ги спомнувам Аристотел, Кант, Шопенхауер, иако тие се најдобрите логичари.
Овие се причините поради кои им посветив толку внимание на правните силогизми во пишуваниот говор, односно магистрскиот труд.
Овие се причините поради кои што логиката е главен јунак и во овој мој усмен говор.
Со логика ќе го одбраниме човековото право на самоопределување.
Има уште една причина за ангажман во одбраната на Македонија.
Шопенхауер забележал дека постоењето на единката има смисол само во однос на видот. Тој видел дека природата ги уредила така работите, што доколку единката не е корисна за видот, природата прави се за да ја упропасти таквата единка.
Секоја сличност со некои пропаднати новинари, интелектуалци и политичари Македонци, не е случајна.“

Последни коментари